Türkiyəyə “Zapı” da ixrac edilibmiş - FOTO

“Zaporojes” avtomobilinin SSRİ-dən kənara ixrac edildiyindən xəbərim vardı. Hətta Avropadakı avtomobil muzeylərinin birində bu maşından görmüşdüm. 
Lakin bu gün “Za Rulyom” jurnalının köhnə nömrələrini vərəqləyəndə qarşıma maraqlı fakt çıxdı. 
Jurnalın 1984-cü ilə aid dördüncü nömrəsində bildirilir ki, “artıq “Zaporojes” avtomobillərinin Türkiyəyə ixracı başlayıb”. Təəssüf ki, qapalı informasiya olduğun üçün Türkiyəyə nə qədər “Zapı” satıldığı barədə məlumat əldə edə bilmədik. 

Xatırladaq ki, bütün sovet avtomobilləri kimi “Zaporojes” də Türkiyəyə başqa adla satılıb. Daxili bazarda ZAZ-968 kimi tanınan avtomobil xaricdə “Yalta” adı ilə bilinib. Avtomobil Avropa da daxil olmaqla bir çox regiona ixrac edilib.