Obyekt sahibindən “uzaqgörən siyasət”: Ağacın dibinə kimyəvi maddələr tökdürdü - FOTO

Paytaxtın mərkəzində sahibkarın özbaşınalığı müzakirələrə səbəb olub.

Avtosfer.az xəbər verir ki, Bakının Nəsimi rayonu 28 May küçəsində sahibkar öz obyetini təmir etdirərkən təbiətə də ziyan vurmaqdan çəkinməyib. Təmir zamanı obyekdən çıxarılan tullantı tikinti materiallarını “uzağa getməyə ərinən” şəxslər ağac dibinə töküb.

Sosial şəbəkədə yayılan fotoya əsasən, ağacın dibinə tökülən məhlullardan boya qoxusu gəldiyi də iddia olunub. Ölkədə keçiriləcək COP29 tədbiri ilə bağlı dövlətin gördüyü işlərin qarşılığı olaraq, bəzi sahibkarların öz şəxsi mənafeləri uğruna törətdiyi ekoloji terorlar bu mövzuda atılan addımları ləngidir.

Şəbəkə istifadəçiləri yaranan vəziyyətlə əlaqəli sahibkarın təbiətə qarşı laqeyd davranışına hüquqi qiymət verilməsinin mütləq olduğunu vurğulayır və aidiyyatı qurumların hərəkətə keçməsini tələb edir.

Səfər Əlizadə