Ağdamın mədəniyyət incisindən geriyə qalanlar - FOTO

Mənfur ermənilər Azərbaycanın işğal etdiyi digər şəhərlərində olduğu kimi, Ağdamda da bütün yaşayış evləri, mədəniyyət abidələrini tamamilə dağıdıblar.

Şəhərdə yerləşən Əbdürrəhim bəy Haqverdiyev adına Ağdam Dövlət Dram Teatrı da məhv edilmiş tikililər siyahısındadır.

Ağdamda ilk teatr 1902-ci ildə yerli ziyalıların və Ə.Haqverdiyevin köməkliyi və yaxından iştirakı ilə yaradılıb. İki il gərgin işdən sonra 1904-cü ildə M.F. Axundovun “Sərgüzəşti-vəziri-xani-Lənkəran” və Ə.Haqverdiyevin “Dağılan tifaq” pyeslərinin tamaşaları ilə açılıb. 

Azərbaycanda fəaliyyət göstərən dram teatrlarından, eləcə də Qarabağ mədəniyyətinin nümumələrindən biri olub. 

1968-ci ildə isə Nazirlər Kabinetinin müvafiq fərmanı ilə artıq Ə. Haqverdiyev adına Ağdam Dövlət Dram Teatrı olaraq fəaliyyətə başlayıb.

Oxu.Az-ın əməkdaşı Ağdam Dövlət Dram Teatrının yerləşdiyi ərazini və binanın qalıqlarını lentə alıb. 

Həmin fotonu təqdim edirik: