Avtomobil tarixinin ən dəhşətli qəzası - 3 min nəfər ölüb - FOTO

Tarixdə “Ginnes rekordlar kitabı”na düşmüş ən dəhşətli avtomobil qəzası Əfqanıstanda, ölkənin şimalını mərkəzi ilə birləşdirən Salanq tunelində baş verib. 

Avtosfer.az-ın xəbərinə görə, 1964-cü ildə sovet mühəndislərinin layihələndirdiyi 2,7 km uzunluqda tunel coğrafi baxımdan (Hindiquş dağları) dünyanın üçüncü ən hündür keçididir (3360 metr). Tunelin işə düşməsi ilə ölkənin cənubundan şimalına getməyə sərf olunan vaxt 72 saatdan 10 saata endi.

Tuneldə ilk qəza 23 fevral 1980-də qeydə alınıb. Sovet ordusuna məxsus avtomobil karvanı fasilə üçün dayandıqda mühərriklərdən çıxan zəhərli qazlar 16 “düşmən”in (sovet hərbçisi) həyatına son qoydu.

3  noyabr 1982-ci ildə isə burada tarixin ən çox ölümlə nəticələnən avtomobil qəzası baş verdi. Sovet hərbi mənbələrinə görə, yanacaq daşıyan avtomobilin alışması nəticəsində 176 nəfər (64 sovet əsgəri və 112 əfqan) həlak oldu. Əfqanıstanın Milli Yanğından Mühafizə Departamentinin hesabatında isə ölənlərin sayının 3000 olduğu bildirilir. 
Şimal alyansı və taliblər arasında təbii maneə olan bu tunel 1997-ci ildə Əhməd şah Məsudun əmri ilə partladılır. 2002-ci ildə tunel yenidən açılır, 2004-cü ildə isə genişləndirilir. Lakin 1980-ci ildəki yanğınla bağlı müəmma sirrini qoruyur.

Vüqar