Azərbaycanın nəqliyyat vasitələri idxalına çəkdiyi xərc azaldı

Azərbaycan bu ilin yanvar-sentyabr aylarında 1,6 milyard dollar dəyərində nəqliyyat vasitələri və onların hissələrini idxal edib. Avtosfer.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə dəyər baxımından 10% azdır.

Hesabat dövründə nəqliyyat vasitələri və onların hissələrinin idxalı Azərbaycanın ümumi idxalının 11,54 %-ni təşkil edib.

Əlavə edək ki, ötən ilin eyni dövründə Azərbaycan 1,8 milyard dollar dəyərində nəqliyyat vasitələri və onların hissələrini idxal edib.