Bahalı avtomobili itələyərək işə saldılar- dünya bildi  - VİDEO
Avtoxəbər 1 Dekabr 2022 14:41 Oxunub 500
Bahalı avtomobili itələyərək işə saldılar- dünya bildi    - VİDEO

Əvvəlki vaxtlarda akkumulyator və ya starteri olmayan texnikanı işə salmağın yeganə yolu ya itələmək, ya da maili yerdə aşağı buraxmaq idi. 
Avtosfer.az  xəbər verir ki, injektor sistemi və avtomat ötürmə meydana gəldikdən sonra bu metod dəbdən düşüb. Lakin tam sıradan çıxmayıb.
Bu günlərdə Braziliyada çəkilmiş kadrlar köhnə üsulun hələ də özünü doğrultduğunu göstərdi. Instaqramda yayılan videodan görünür ki, 6 gənc “Ferrari F50”ni itələyərək işə salmağa çalışır. Avtomobil sürət yığan anda sürücü ötürməni qoşur və V12 mühərrik tüstü buraxaraq işə düşür. 
Görəsən avtomobildə avtomat sürət qutusu olsa onu necə işə salacaqdılar? Ya da tıxacda sönsə? 
PS. Bir neçə il əvvəl Bakıda bahalı “Range Rover”in “Moskviç”dən “peremıçka” verilərək işə salınmasına şahid olmuşam. Təəssüf ki, strateji binanın qarşısında olan hadisənin videosunu çəkə bilmədim.

Vüqar

ŞƏRH YAZ
Ad

E-mail

Şərh