Beynəlxalq şirkətlər avtomobillərini geri çağırır: Azərbaycanda isə..

Müxtəlif ölkələrin avtomobil şirkətləri yarana biləcək problemlərə görə nəqliyyat vasitələrini müəyyən müddətdən sonra geri çağırırlar. Onlar arasında “Toyota” ön sırada gəlir. Statistika göstərir ki, “Mercedes”, “Porsche”, “Opel” və “Audi” şirkətləri də avtomobilləri tez-tez geri çağırır. Geri çağırılma prosesi maşınların mühərrikinin nömrəsinə uyğun olaraq həyata keçirilir. Nömrələrə və məlumatlara əsasən, avtomobilin hansı ölkədə olduğu və sahibi müəyyənləşdirilir. Sahibi müəyyən edildikdən sonra isə ona geri çağırılma haqda məlumat verilir.
Bəs Azərbaycanda bu proses necə həyata keçirilir?
Nəqliyyat üzrə ekspert İlqar Hüseynli bildirib ki, bu proses Azərbaycanda o qədər də ürəkaçan deyil:
“Müəyyən avtomobillərdə texniki və dizayn baxımdan nasazlıqlar var. Ölkəmizdə hələ ki, kütləvi halda belə bir təcrübə yoxdur. Hazırda müəyyən şirkətlərin rəsmi distributorları var. Şirkətlər istehsal etdikləri avtomobilləri müxtəlif ölkələrə satırlar. Problem olduğu halda isə həmin avtomobillər geri çağırılır. Burada bir məsələyə diqqət etmək lazımdır. İş adamlarının ikinci əl satdığı avtomobillər bura aid deyil. Qayda yalnız sıfır kilometr satılan maşınla tətbiq olunur”.
Ekspert qeyd edib ki, hazırda ölkədə avtomobillər Neftçala, Naxçıvan, Gəncə və Hacıqabulda olan zavodlarda istehsal olunur:
“Naxçıvan şəhərində “Lifan”, “FAW”, “Changan”, Neftçalada isə “Khazar”, “AzSamand” və “Peugeot” markalı avtomobillər istehsal olunur. Yerli şirkətlər heç bir avtomobili geri çağırmır. Azərbaycanda belə tendensiya yoxdur. Əgər bu problem beynəlxalq şirkətlərdə müşahidə olunursa, istehsalçı zavod avtomatik olaraq Azərbaycan da daxil olmaqla bütün ölkələrdəki maşınlarını geri çağırır. Ancaq azərbaycanlı sürücülərin əksəriyyətinin bundan xəbəri yoxdur. Sürücü avtomobildə nasazlıq görürsə, onu birbaşa ustaya aparır, bunun ümumi problem olacağını düşünmür. Çünki maşınların geri çağırılması dünyada kütləvi hal alan tendensiya deyil”. (Publika.az)
Elektromobillərə güzəşt tələbi: İdxal vergisi satışa necə təsir etdi? - FOTO
Avtomobil təkərini hansı hallarda təmir etmək lazımdır? - Mütəxəssisdən tövsiyələr
“Mercedes” 70-ci illərdəki prototipi hərraca çıxarır – 25 milyon USD - FOTOLAR
"BMW" böyük dəyişikliklərə hazırlaşır: Bəzi məşhur modellər əvvəlki kimi olmayacaq - FOTO
Evində maşını olanların NƏZƏRİNƏ!
"BMW" sahiblərinə qəribə müraciət: Maşını qarajda saxlamayın
Elektromobillərin daha bir mənfi tərəfi üzə çıxdı
Avtomobilin sobası niyə yaxşı qızdırmır? - 5 əsas SƏBƏB
Böyük dövrlü mühərrik elektromobil üçün üstünlükdürmü?
Çin avtomobili kraş-testdə 0 bal aldı - VİDEO
Süni intellektə görə avtomobillər bahalaşa bilər












