Əfsanəvi avtoyarışa məşhur tennisçi start verəcək

22 dəfə Böyük Dəbilqə çempionu olmuş, dünyanın sabiq birinci raketkası isveçrəli tennisçi Rodcer Federer 14 iyun tarixində başlayacaq 93-cü "24 saat Le Man" avtoyarışına start verəcək.

Avtosfer.Az xəbər verir ki, bu barədə yarışın Mətbuat Xidməti məlumat yayıb.

"Bu əfsanəvi, eyni zamanda, çox yorucu olan yarışa start vermək böyük bir şərəfdir. Mən həmişə bu yarış üçün lazım olan hədəfə yönəlmə, dəqiqlik və dözümlülüyə heyran qalmışam. Bu simvolik hadisənin mərkəzində olmaq unudulmaz bir təcrübədir", - Mətbuat Xidməti Federerin sözlərindən sitat gətirib.

Xatırladaq ki, Federer 2022-ci ilin sentyabrında Londonda keçirilən Leyver Kubokunda çıxış etdikdən sonra idmanı tərk edib.