Elektrik şarj stansiyaları havanı çirkləndirir

Elektrik və hibrid avtomobilləri şarj etmək üçün nəzərdə tutulmuş stansiyaların ərazisində havanın adi yanacaqdoldurma məntəqələrinə nisbətən daha çirkli olduğu müəyyən edilib.

Avtosfer.az xəbər verir ki, bu barədə "Automotive News" Los-Ancelesdəki Kaliforniya Universitetinin tədqiqatçılarına istinadən məlumat yayıb.

Tədqiqatçılar Kaliforniyada elektromobillər üçün 50 sürətli enerji doldurma stansiyasında havanın tərkibini təhlil ediblər. Nəticələr göstərib ki, havada çirkli mikrohissəciklərin konsentrasiyası hər kubmetr üçün 15,2 mikroqram təşkil edib ki, bu da ÜST-nin hava keyfiyyəti standartlarından daha yüksəkdir.

Elm adamlarının fikrincə, problemi həll etmək mümkündür, lakin bunun üçün şarj şəbəkəsi operatorlarının səyləri tələb olunur.