Klipdəki rəqsi təkrarla, yarım milyonluq avtomobilə sahib ol - VİDEO

Məşhur müğənni Şakira fanatlarından birinə avtomobil bağışlamağı planlaşdırır. Avtosfer.az xəbər verir ki, müğənni sosial şəbəkə hesabında bir nəfərə “Lamborghini Urus” avtomobili hədiyyə edəcəyini bildirib və şərtlərini irəli sürüb. 

Şakiranın bü günlərdə çəkdirdiyi “Soltera” klipi yutubda 79 milyondanm çox baxış əldə edib. Buna görə də müğənni klipdə istifadə edilmiş maşını bir nəfərə bağışlamaq istəyir. Təbii ki, müəyyən şərtlərlə.

Maşını qazanmaq istəyən şəxs aktiv instaqram istifadəçisi olmaqla Şakiranı izləməli, həmçinin müğənninin klipdəki rəqsini təkrarlayaraq videoya çəkməlidir. 
Yarışın qalibi dekabrın 6-da bəlli olacaq. Hədiyyə üçün nəzərdə tutulan “Lamborghini Urus” avtomobilinin dəyəri 230 min dollardır (təxminən 500 000 manat). Çəkiliş zamanı maşının sağ qanadı cüzi zədələnib, təkər sıradan çıxıb. Bu qüsurları kiçik xərclə aradan qaldırmaq mümkündür.

Vüqar