Milyonluq avtomobil sahibinə çatdırılarkən qəzaya düşdü - FOTO

Britaniya vətəndaşının başına maraqlı iş gəlib.

Avtosfer.az xəbər verir ki, Cersi adasının sakini evində oturarkən ona zəng gəlir. Telefonda “Ferrari” satış mərkəzinin meneceri idi. Qısa hal-əhvaldan sonra menecer deyir: Cənab, təbrik edirəm, avtomobiliniz yoldadır, təxminən 10 dəqiqəyə sürücü onu evinizə çatdıracaq. 
Zəngdən təxminən 20 dəqiqə keçir və sifarişçi narahat olmağa başlayır. Bu zaman onun dərsdən qayıdan oğlu atasına telefonla çəkdiyi qəza şəklini göstərir: Qırmızı “Ferrari” kiçik bir “Honda” ilə toqquşaraq darmadağın olmuşdu. 
Şübhələnən milyonçu narahat halda oğlunu da götürüb hadisə yerinə gedir. Məlum olur ki, qəzaya düşən “Ferrari” ona göndərilən avtomobil imiş. Naməlum səbəbdən 2 avtomobil düz yolda toqquşub. “Honda”ya ciddi ziyan dəysə də, bərpası mümkündür. Cəmi 22 km qət etmiş “Ferrari”nin isə arxa asqısı qopub, bütün hava yastıqları açılıb. Kim təzə avtomobili təmir edib sürmək istəyər?
Təəssüf ki hadisədən sonra satıcı ilə müştəri arasında olan söhbətlə bağlı heç yerdə məlumat yoxdur.

Vüqar