Sultan ailəsinə məxsus avtomobil 154 min funta satıldı - FOTO

Bruney sultanı Həssənal Bolkiyahın avtomobil kolleksiyası çoxlarına məlumdur. Onun qarajında nadir lüks avtomobillər və motosikletlər yer alır. 

Avtosfer.az xəbər verir ki, 80-ci illərin sonunda bir ingilis dizayner sultanla görüşəndə ona xizək sürməyə getmək üçün xüsusi Bentley sifariş verməyi təklif edir. Təklif qəbul edilir və kral ailəsi üçün 11 ədəd tam intiqallı Bentley hazırlanır. Maşınlara frnsanın məşhur xizək kurortunun adı verilir: “Val d’Isère”.

Bentley bir qayda olaraq sedan kuzovda hazırlansa da, bu maşınlar üçün universal variant seçilir. Təbii ki kirşələri yerləşdirmək üçün.
Bu günlərdə isə həmin avtomobillərdən biri Londonda hərraca çıxarılıb. Maşına maraq çox böyük olub və ilk hərracdaca gözləniləndən daha baha – 154 min funt sterlinqə (təxminən 330 min dollar) satılıb. 

Qeyd edək ki, Bruney sultanının məlum olan avtomobil sayı  5 mindən çoxdur. Müqayisə üçün deyək ki, siyahı tərtib etsək 12 şrift, 1 intervalla azı 7 səhifə çıxır.

Vüqar Yaşaroğlu