“Tesla” avtomobillərin qiymətini XEYLİ QALDIRACAQ – Fevralın 1-dən

“Tesla” Kanadadakı bütün avtomobillərin qiymətini qaldıracaq. Avtosfer.az xəbər verir ki, bu, fevralın 1-dən baş tutacaq.
Məlumata görə, “Model 3”ün modellərində 2874 – 6465 ABŞ dolları (bugünkü məzənnə ilə 4.885 -10.991 manat) aralığında qiymət artımı olacaq.
Qiymət artımının təfərrüatları:
Model 3:
“Long Range” RWD: +4,000 CAD (4.885 manat)
“Long Range” AWD: +8,000 CAD (9.770 manat)
“Performance”: +9,000 CAD (10.991)
“Model Y” (all variants): +4,000 CAD (4.885 manat)
“Model S” (all variants): +4,000 CAD (4.885 manat)
“Model X” (all variants): +4,000 CAD (4.885 manat)
Bildirilir ki, qiymət artımı ilə bağlı bu gözlənilməz addım Kanadanın baş naziri Castin Trüdonun çərşənbə axşamı etdiyi bəyanatından sonra atılıb. Belə ki, Trüdo ABŞ prezidenti Donald Trampın fevralın 1-dən Kanada və Meksikadan idxal rüsumlarını 25 faiz artıracağı təqdirdə onun hökumətinin buna reaksiya verəcəyini bildirmişdi.
Qeyd edək ki, Kanada artıq Şanxayda istehsal olunan “Tesla” avtomobilləri də daxil olmaqla Çindən elektrik avtomobillərinin idxalına 100 faizlik rüsum tətbiq edib.

Namiq Musayev