"Tesla"nın Amerika turu yarımçıq qaldı

Teslanın fanatları avtopilot rejiminin etibarlılığını göstərmək üçün Kaliforniyadan Floridayadək (Qərbdən Şərqə) ABŞ turu təşkil etməyi qərara alıblar. Plana təxminən 4000 kilometrlik yolun böyük hissəsinin avtopilot rejimində gedilməsi daxil idi. 

Avtosfer.az xəbər verir ki, çox ciddi şəkildə reklam olunan tur yarımçıq qalıb. Cəmi 100 kilometrdən sonra avtopilot rejimi qəzaya səbəb olub. “Tesla Model Y” magistralda metal əşya ilə toqquşub. Bloqerlərdən birinin dediyinə görə, bu əşya metal navalça olub.

Maşının kuzovu ciddi zədə almasa da, asqı sisteminin təmiri üçün servisə aparılıb.
Qərb ekspertləri bildirirlər ki, iddialara rəğmən hələ də avtopilot sistemi insanı əvəz edəcək səviyyədə deyil.

Vüqar