Yenidən propqramlanan oğurluq avtomobillərin Azərbaycana satılması mümkündürmü? 

Fransa polisinin Bordoda keçirdiyi əməliyyatda 11 nəfər saxlanılıb. 

Avtosfer.az xəbər verir ki,  saxlanan şəxslər kütləvi avtomobil oğurluğunda ittiham edilirlər. Polis bildirir ki, onlar elektron piratlıq yolu ilə mərkəzi kilidin və avtomobilin açarının tezliyini müəyyən edirlər. bundan sonra avtomobilin qapısını açmaq asanlaşır. 
Salona daxil olduqdan sonra isə oğrular hər hansı açara yeni proqram yazaraq maşını işə salırlar. Bundan sonra isə avtomobil yenidən sənədləşdirilərək başqa ölkəyə satılır. Oğrular bu yolla azı 30 maşını ələ keçirib satıblar. Onların ələ keçməsinin bir səbəbi də Fransada oğurladıqları avtomobilləri elə yerində satmaq niyyəti olub. Məlumat bazasındakı göstəricilərin toqquşması polisdə şübhə yaradıb.
Maraqlı budur ki, piratlıq üçün istifadə edilən texniki vasitələr qanuni olaraq satışdadır. Onları hətta İnternetdən də sifariş etmək mümkündür. 
Polis reydi zamanı Fransa, Belçika və Almaniyaya aid avtomobil sənədləri aşkar edilib. 
Bizi bir sual da maraqlandırır: görəsən bu oğurluq maşınlıar Azərbaycana gəlib çıxa bilərmi?

Vüqar Yaşaroğlu