300 sərnişinin öldüyü təyyarə qəzasından 1 il ötür - FOTO

Ukraynanın Donbas regionunda 300-ə yaxın insanın ölümü ilə nəticələnən təyyarə qəzasının üzərindən 1 il ötür. "Malayziyan Airlines" avia-şirkətinə məxsus "Boinq 777" tipli təyyarə Torez şəhəri üzərində qəzaya uğramışdı. Qəzanın baş verdiyi yer Rusiya ilə sərhədin 40 kilometrliyində yerləşir. Qəza nəticəsində ölənlərin əksəriyyəti Niderland vətəndaşı idi.

Ukrayna hökuməti qəzanın, əslində, raket hücumu olduğunu və Rusiyanın sifarişi ilə törədildiyini iddia edir. Rusiya isə, əksinə, hücumda Kiyevi təqsirləndirmişdi. Hadisə ilə əlaqədar istintaq araşdırması hələ ki, yekunlaşmayıb.

Bir qədər əvvəl Malayziya, Avstraliya, Niderland və Ukrayna hadisəyə görə məsuliyyət daşıyan şəxsləri mühakimə etmək məqsədilə Təhlükəsizlik Şurasına tribunal yaradılması üçün müraciət ediblər.

Rusiya belə bir tribunalın prosesin gedişatına mənfi təsir göstərəcəyini bildirərək qərara qarşı veto tədbiq edib.

anspress