ABŞ-də benzinin qiyməti yayadək 3 dollardan aşağı düşə bilər

ABŞ-də benzinin orta qiymətinin yay aylarınadək bir qallon üçün 3 dollardan aşağı enə biləcəyi ehtimal edilir.

Avtosfer.az Teleqraf-a istinadən xəbər verir ki, bu barədə ABŞ Energetika Nazirliyinin rəhbəri Kris Rayt "NBC News" telekanalına müsahibəsində bildirib.

Onun sözlərinə görə, ölkədə benzinin qiymətinin yay mövsümünə qədər göstərilən həddən aşağı düşməsi ehtimalı yüksəkdir.

“Bunun doğru olma ehtimalı çox yüksəkdir”, – deyə ABŞ-nin energetika naziri bildirib.

Bununla belə, Rayt qiymətlərin mütləq enəcəyinə dair hər hansı zəmanət verməkdən imtina edib. O qeyd edib ki, prosesin vaxt çərçivəsi hələ dəqiq deyil, lakin bu, administrasiyanın qarşıya qoyduğu əsas məqsədlərdən biridir.

Hazırda ABŞ-də bir qallon (3,785 litr) benzinin orta qiyməti 3,7 dollar təşkil edir. Qeyd olunur ki, bir ay əvvəl bu göstərici təxminən 2,9 dollar səviyyəsində olub.