Abşeron polisi “AA” sürücüsünü həbs etdi

Abşeron polisi piyadanı vurub qaçan sürücünü saxlayıb. Hadisə dünən saat 21.30-da Masazır qəsəbəsi ərazisində baş verib. Qəsəbənin Əliağa Vahid küçəsində yaşayan 1978-ci il təvəllüdlü Aydın Abdullayevi naməlum şəxs maşınla vuraraq aradan çıxıb. Qəzada müxtəlif dərəcəli xəsarətlər alan piyada xəstəxanaya çatdırılıb. Abşeron RPŞ-dən Axar.az-a bildirilib ki, aparlan əməliyyat axtarış tədbirləri nəticəsində sürücünün kimliyi müəyyənləşdirilib və "Qurtuluş" yaşayış massivində yaşayan 1984-cü il təvəllüdlü Nəsir İslam oğlu Quliyev saxlanılıb. O, hadisəni özünə məxsus "Honda" markalı 01 AA 541 nömrə nişanlı avtomobillə törədib. Sürücü bu gecə həbs olunub.