Ağdaşda avtomobil 16 yaşlı gənci vuraraq öldürdü

Ağdaşda ölümlə nəticələnən yol-nəqliyyat hadisəsi qeydə alınıb.

“Report” xəbər verir ki, hadisə Bakı­-Qazax yolunun rayonun Əmrarx kəndindən keçən hissəsində qeydə alınıb.

“Jeep” markalı minik avtomobili yolu keçən piyada, Əmrarx kənd sakini, 2005-ci il təvəllüdlü Həsənov Uğur Laçın oğlunu vurub. U.Həsənov aldığı ağır xəsarətlərdən hadisə yerində dünyasını dəyişib.

Faktla bağlı Baş Dövlət Yol Polisi İdarəsinin İstintaq və təhqiqat şöbəsi tərəfindən araşdırma aparılır.