Agentlik texnika sürənlərə qarşı reyd keçirdi, 4 protokol yazıldı - FOTO

Bu gün Şəki regional, Zaqatala və Qax rayonların Aqrar Xidmətlər Agentliyinin Texniki nəzarəti təşkili sektorunun əməkdaşları tərəfindən Muxax, Çobangöl və Əliabad kəndlər ərazisində növbəti reydlər keçirilib.

Reyd zamanı 23 mexaniki nəqliyyat vasitəsini isrifadə edən sürücülər saxlanılıb və təbliğat xarakterli söhbətlər aparılıb. Avtosfer.az xəbər verir ki, saxlanılan sürücülərə texniki istismar və texniki təhlükəsizlik qaydaları izah olunub.

Qaydaları pozan 2 mexanizatora inzibati qaydada protokol tərtib edilib.
Qax rayonu üzrə Şotavar Qarabaldır və Alatəmir kəndlərində keçirilmiş reyd zamanı müxtəlif markalı 7 ədəd traktor saxlanılıb.

Texnikaların qeydiyyata alınması və sürücülük vəsiqəsi ilə bağlı söhbətlər aparılıb. 2 kənd təsərrüfatı texnikası sürücüsünə qaydalara əməl etmədiyi üçün cərimə protokolu tərtib olunub. Ümumilikdə, bugünkü reyddə 15 ədəd texnika saxlanılıb. 4 ədəd cərimə protokolu tərtib olunub. Reydlər növbəti aylarda qrafik üzrə daim keçiriləcək.

Emin