Ağsu dolaylarında problem yaranıb

Qadağalara baxmayaraq, Ağsu dolaylarında hərəkət edən yük avtomobilləri asfalt örtüyünü zədələyir. Avtosfer.az eltv-йя (region tv) istinadən xəbər verir ki, yolda əmələ gələn çatlar minik avtomobillərinin normal hərəkətinə mane olur. Bu hal, eləcə də yolun ensiz olması isə sürücüləri narahat edir. Sürücü Sadiq Səlimov deyir ki, yol genişləndirilsə, yaxşı olar: ”Sürücülər bir-birlərini yaxşı başa düşərlər, yəni qəzalara şərait yaranmaz”.

12 saylı Ağsu Yol İstismar İdarəsinin iş icraçısı Eldar İsrafilov isə bildirir ki, yolun 144-cü kilometrindən 181-ci kilometrə qədər olan hissəsini nəzarətdə saxlayırlar. Onlar burada avtomobillərin hərəkətində hər hansı bir çətinliyin yaranmamasına çalışırlar.  Xatırladaq ki, Ağsu aşırımının uzunluğu 14 kilometrdir.