Ağzına qədər dolu avtobus partladı; ölənlər var

Hindistanın şimalında ağzına qədər dolu avtobus partlayıb. Avtobusda qaz balonunun partlaması nəticəsində 11 nəfər həyatını itirib, 100 nəfər isə yaralanıb. Anspress-in məlumatına görə, insident Bulandşaxr ətrafında Uttar-Paradeş ştatında baş verib. Polis bildirib ki, sərnişinlərdən biri avtobusda özü ilə bərabər məişətdə istifədə üçün nəzərəd tutulan qaz balonu aparırmış. Hələ müəyyənləşməyən səbəblərdən balon alışıb və bundan sonra partlayış baş verib.

Zərərçəkənlərin çoxunda müxtəlif dərəcəli yanıqlar var. Hindistan mətbuatının məlumatına görə, avtobusun nəinki içi, hətta üzəri belə sərnişinlə dolu olub. 

Qeyd edək ki, Hindistan və Pakistan avtobuslarında hökumətin mübarizəsinə baxmayaraq belə ekstrimal səyahət əsrin əvvəlindən mövcuddur.