Almaniyada yaşayan gənc ziyalılardan Ali Baş Komandana MÜRACİƏT

"Əli günahsız insanların qanına boyanmış Ermənistan hakimiyyəti təxribatlarından əl çəkmir. Hazırda davam edən döyüşlər onlara dərs olmalıdır. Artıq illərdir düşmən tapdağı altında olan bir sıra kəndlərimiz işğaldan azad olunub, düşmənin canlı qüvvəsi, hərbi texnikaları məhv edilib. Bütün bunlar Azərbaycan Ordusunun gücünün nəticəsində baş verib. Bir ölkənin ordusu o zaman güclü olub əzmlə mübarizə aparır ki, onun xalqın yanında olan, güclü və iradəli dövlət başçısı olur. Bu gün Azərbaycan xalqı da öz Prezidentinin yanındadır".

N.Abdullayev bildirib ki, Azərbaycan Ordusunun cəbhə xəttində düşmənə qarşı apardığı qətiyyətli döyüşləri Almaniyada yaşayan azərbaycanlılar arasında da ruh yüksəkliyi yaradıb:

"Bizlər hər zaman dövlətimizin, Vətənimizin, xalqımızın, Prezidentimizin yanındayıq. Biz hər zaman öz ölkəmizdə Vətənimizə xidmət etməyə hazırıq. Bu günə qədər elmimiz ilə, qələmimiz ilə dövlətimiz və millətimiz üçün çalışmışıq. Əgər Ali Baş Komandan əmr verərsə, bizlər də hər bir əli silah tutan Azərbaycan övladı kimi əlimizə silah alıb Vətənimizi qorumağa tam hazır vəziyyətdəyik".

Qeyd edək ki, Nuran Abdullayev Azərbaycanın Milli Qəhrəmanı, bu gün uğrunda döyüşlər gedən torpaqlarda şəhid olmuş, əfsanəvi tank komandiri Şövqiyar Abdullayevin qardaşı oğludur.

İmza:

Nuran Abdullayev

Rufən Əkbərov

Orxan Səfərov

Azər Qarayev

Elvin Hüseynov

Hikmət Həbibov

və son 24 saat ərzində onlara döyüşlərə getməyə hazırıq deyən yüzlərlə dostları.