Antenna maşının üstünə düşdü, sürücü öldü - FOTO

Türkiyənin bir sıra bölgələrində yaşanan küləkli hava şəraiti əhaliyə təsirsiz ötüşməyib. Anspress-in məlumatına görə, Antalyanın Alanya rayonunda sürəti saatda 52 kilometrə çatan külək və yağışın yağması çox sayda ağacı aşırıb, bəzi iş yerləri və evləri su basıb. Bir nəfər rayon sakini isə bu havanın qurbanı olub. Belə ki, gündüz saatlarında yaşadığı binanın avtoparkındakı avtomobilinə minmək istəyən Mustafa Arslan adlı şəxs beş mərtəbəli binanın damından qopan antennanın başına düşməsi nəticəsində yerindəcə keçinib. Vəziyyətdən sonra halı pisləşən ailə üzvlərindən bəziləri isə xəstəxanaya aparılıb. Hazırda rayonda bələdiyyə işçiləri və yanğınsöndürmə qrupları işlər aparır.