Arvadı doğuşda, özü isə qəzada öldü.- DƏHŞƏTLİ AİLƏ FACİƏSİ

Bir neçə gün əvvəl Gəncə-Şəmkir yolunda Şəmkir rayon polis postunun yaxınlığında baş verən qəzada dünyasını dəyişən Elşad Balacayevin faciəvi həyatı yenidən sosial şəbəkələrdə müzakirəyə səbəb olub. Avtosfer.az qafqazinfo-ya istinadən xəbər verir ki, Elşad Balacayev iki il öncə həyat yoldaşını və yeni doğulacaq körpəsini itirdiyinə görə mətbuatın gündəminə gəlmişdi.  Belə ki, 2013-cü ilin sentyabrında onun hamilə həyat yoldaşı Fərqanə Balacayeva və anadan olmasını gözlədikləri oğlu Gəncədə doğuş zamanı vəfat etmişdi.

Xanımını itirəndən sonra ata 3 azyaşlı qızına tək baxırdı. Qeyd edək ki, böyük qızının 6, əkizlərin isə 4 yaşı var. Həm anasız, həm də atasız qalan uşaqlara hazırda bibisi baxır.

Yaxınlarının verdiyi məlumata görə, Elşad qəzaya yeni aldığı “Mercedes” markalı maşını ilə düşüb.