Avropada COVID-19-un yenidən yayılmasının səbəbi açıqlandı

Avropa və şimal yarımkürəsinin bir sıra ölkələrində COVID-19-a yeni yoluxmalar gənclərin yay dövründə sayıqlığı azaltmaları ilə bağlıdır. Bu barədə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib.

"Faktlar göstərir ki, COVID-19-a kütləvi yoluxmalar bəzi ölkələrdə gənc insanların şimal yarımkürəsində yay mövsümü zamanı öz sayıqlıqlarını zəiflətmələri nəticəsində artıb", - o deyib.

ÜST-ün baş direktoru yenidən vurğulayıb ki, gənclər  və uşaqlar COVID-19-a yoluxmağa meyillidir. Buna görə onlar pandemiya zamanı sayıqlıq nümayiş etdirməli, həmçinin maska taxmalı və sosial məsafə qaydalarına riayət etməlidir. (“Report”)