Avtobus sahibləri cəzalandırılacaq

“Kart sistemi yaxın vaxtlarda daha 40 avtobusda tətbiq olunacaq”. Bu barədə Nəqliyyat Nazirliyinin mətbuat xidmətinin rəhbəri Namiq Həsənov deyib. O bildirib ki, bununla da 1000-dən çox avtobusda bu sistemə keçiriləcək. “Bu ilin sonu və gələn ilin əvvəlinə kimi bütün avtobusla bu sistemə kəçəcək. Gələn il Yay Avropa Oyunlarının olacağını nəzərə alsaq sistemi tam tətbiq edib yekunlaşdırmalıyıq. 400 minə yaxın kart dövriyyə buraxılıb. Bunlafrdan isə 200 mini vətəndaşlar tərəfindən alınıb. Ancaq vətəndaşlar kartlardan elə də çox istifadə etmirlər. Sanki maraq azdır”.

Namiq Həsənov həmçinin bildirib ki, bəzən sürücülər də kartla ödənişə maraqlı olmur və nəğd pul istəyirlər: “Müvafiq bank da, həmçinin nazirlik də bu məsələni diqqətdə saxlayır. Əgər belə hallar müşahidə olunarsa sahibkarlara ciddi cəzalar veriləcək. Onların əllərindən həmin xətlərin alınması da nəzərdə tutulur”.

Qeyde dək ki, "Yolkart" fevral ayında 30 marşrutda, yəni 774 avtobus bu sistem tətbiq olunub.