Avtobus sürücüsü qoca kişini xəstəxanalıq etdi

Bakıda 72 yaşlı kişi sərnişin avtobusundan düşərkən ağır xəsarət alıb. Lent.az-ın məlumatına görə, hadisə Yasamal rayonu ərazisində baş verib. Paytaxt sakini, 1942-ci il təvəllüdlü Əbülqasəmov Vaqif Əmir oğlu 193 saylı xətt üzrə hərəkət edən "Daewoo" markalı avtobusdan düşmək istəyərkən yıxılıb. Belə ki, 72 yaşlı kişi Yasamal rayonu ərazisindəki dayanacaqda düşmək istəyib. Avtobusun sürücüsü qəfil qaza basıb və V.Əbülqasımov yıxılıb. Sərnişin bud sümüyünün sınığı və digər ağır xəsarətlərlə Mərkəzi Neftçilər Xəstəxanasına yerləşdirilib.

Qeyd edək ki, 193 saylı avtobus Binə ticarət mərkəzi və metronun 20 Yanvar stansiyası arasında sərnişindaşıma ilə məşğul olur.

Faktla bağlı araşdırma aparılır.