Avtobusda yaralananların kimliyi məlum oldu - FOTO

Bakıda avtobus qəzasında xəsarət alanlardan 4 nəfərin kimliyi məlum olub. Anspress-in məlumatına görə, hazırda yaralılar müxtəlif xəstəxanalarda müalicə alırlar. Qəza zamanı 37 yaşlı Cəmilə Əliyeva, 58 yaşlı Zərifə Məmmədova, 30 yaşlı Günel Abuzərova, 51 yaşlı Elnarə Mehdiyevadır. Digər yaralı isə avtobusun sürücüsü Vüsal Muxtarovdur. Ona ilkin tibbi yardım göstərilib. Onun vəziyyəti qənaətbəxşdir.

Qeyd edək ki, bu gün saat 11:40 radələrində Bakı Dairəvi yolda sərnişin avotbusu qəzaya uğrayıb. Hüquq-mühafizə orqanlarından anspress-ə verilən məlumata görə, hadisə Yasamaldan Sədərəkə gedən yolda, “Qismət” şadlıq sarayının yaxınlığında baş verib. Belə ki, Vüsal Muxtarovun idarə etdiyi 188 saylı, “Daewoo” markalı, 10 TG 170 dövlət nömrə nişanlı avtobusla Allahverdi Əhmədovun idarə etdiyi “Shaqman” markalı, 90 JM 307 dövlət nömrə nişanlı yük maşını toqquşub. Yük maşını avtobusun sürücü olan hissəsində vurib.

Qəzaya uğrayan avtobus şirkəti olan Xaliq Faiqoğlu MMC-dən verilən məlumata görə, hadisə yük maşını sürücüsünün günahı ucbatından baş verib. Sərnişin avtobusuna isə ciddi zərər dəyib. Faktla bağlı araşdırma aparılır.