Avtobusun vurub öldürdüyü şəxsin kimliyi məlum oldu

Ötən gün saat 09:00 radələrində Bakı Beynəlxalq Avtovağzalının qarşısında avtobus tərəfindən vurularaq dünyasını dəyişən şəxsin kimliyi məlum olub. Bakı şəhər Baş Polis İdarəsindən verilən məlumata görə, 1970-ci il təvəllüdlü Mütəllim Qənbərov hadisə yerində ölüb.

Qeyd edək ki, ötən gün Bakı avtovağzalı ərazisində 1990-cı il təvəllüdlü Səfa Qeybullayev idarə etdiyi 91 saylı, “Daewoo” markalı, 90 JZ 664 dövlət nömrə nişanlı sərnişin avtobusu piyadanı vurub. Faktla bağlı araşdırma aparılır.