Avtoservisdə dəhşətli olay; usta öldü

Bakıda ölümlə nəticələnən bədbəxt hadisə baş verib.  Lent.az-ın məlumatına görə, dekabrın 1-də saat 13 radələrində Xətai rayonu Babək prospekti 23/15 ünvanında yerləşən “Qarabağlar 1” avto-təmir mərkəzində qaldırıcı qurğu sınıb. Nəticədə kranla qaldırılmış avtomobil orada usta işləyən 1970-ci il təvəllüdlü usta Əzizov Habil Cəfər oğlunun başına düşüb. Ağır xəsarətlərlə xəstəxanaya yerləşdirilən H.Əzizov orada dünyasını dəyişib. Faktla bağlı Cinayət Məcəlləsinin 162.2-ci maddəsi ilə iş başlanılıb.