«Avtoş»luq edən evakuator sürücüləri cəzalandırıldı - VİDEO

Bakıda evakuator xidməti əməkdaşlarının idarə etdikləri maşınlarla yarışmasını əks etdirən video ilə bağlı məlumatlar Baş Dövlət Yol Polisi İdarəsi (DYP) tərəfindən araşdırılıb. Bu barədə Avtosfer.az-a idarənin şöbə rəisi Kamran Əliyev məlumat verib. Onun sözlərinə görə, hər iki sürücü barəsində yol hərəkəti qaydalarının pozulmasına dair inzibati protokol tərtib olunub: «Hər iki sürücü işlədikləri şirkət rəhbərliyi tərəfindən işdən çıxarılıblar». 

Qeyd edək ki, yarışma zamanı hər iki maşının üzərində evakuasiya olunmuş avtomobillər olub. Videokadrlardan görünür ki, evakuator sürücləri maşınları cərimə meydançasında birinci çatdırmaq üçün “yarışıblar”. Bu zaman onlar yol hərəkəti qaydalarını kobud şəkildə pozur, digər hərəkət iştirakçılarının yoluna çıxaraq onların qarşısını kəsir və qəza vəziyyəti yaradırlar.

Emin