AZAL Bakı-İstanbul aviareyslərinin sayını artırır

Avtosfer.az xəbər verir ki, “Azərbaycan Hava Yolları” (AZAL) QSC mart ayının 15-dən başlayaraq Bakı-İstanbul-Bakı aviareyslərinin sayını artırır. Bu barədə oxu.az-a AZAL-dan məlumat verilib.

Bakıdan bu istiqamətdə, Atatürk Hava Limanına həyata keçirilən reyslərin gündəlik sayı artırılacaq. Bu reyslərin Bakıdan uçuş vaxtı 13:25, İstanbulda enişi 14:30-da baş tutacaq, eyni hava limanından dönüş vaxtı 15:30, Bakıda enişi isə 20:25-də olaraq müəyyənləşdirilib.

Qeyd edək ki, bu reysə gediş-dönüş aviabiletinin qiyməti 346 manat təşkil edir.