Azərbaycan səmasında UNO

Ötən gecə Tərtər səmasında uçan naməlum obyekt görünüb. Avtosfer.az eltv-yə istinadən xəbər verir ki, obyekti təmas xəttinə yaxın yerləşən Qapanlı kəndindən daha aydın müşahidə etmək mümkün olub. Naməlum obyekt işğal altındakı Ağdərə ərazisindən keçib. Güclü işıq axını ilə müşahidə edilən obyekt səssizliyi və sürəti ilə diqqət çəkib. Təxminən 30 saniyə ərzində səmada görünən naməlum obyekt tədricən gözdən itib.