Azərbaycana gətirilən maşınlar azalıb

Avtosfer.az xəbər verir ki, Azərbaycana gətirilən maşınların sayı azalmaqda davam edir. Dövlət Gömrük Komitəsindən bildirilib ki, bu ilin yanvar ayında ölkəyə 4090 ədəd avtomobil idxal olunub. Bu ötən ilin yanvar ayı ilə müqayisədə 40%-ə yaxın azalma deməkdir. Ötən ilin yanvar ayında ölkəyə gətirilən maşınların sayı 6477 ədəd olub. 2013-cü ilin 1-ci ayında isə idxal olunan avtomobillərin sayı 7129 ədəd olub. Avtomobil idxalının azalması ölkədə Avro-4 standartına keçid və kreditlərin sərtləşdirilməsi ilə bağlıdır. Eyni zamanda aksiz vergisinin dərəcələrinin qaldırılması ilə əlaqədar olaraq avtomobil idxalının daha da aşağı düşəcəyi gözlənilir.