Azərbaycanda dəhşətli qəza; “Mercedes” aşdı: 4 ölü

Hacıqabul rayonunda ölümlə nəticələnən yol qəzası baş verib. Avtosfer.az-ın APA-ya istinadən məlumatına görə, hadisə Bakı-Qazax yolunun 92-ci kilometrliyində, Hacıqabul rayonunun Nəvai kəndi ərazisində qeydə alınıb. “Mercedes” markalı avtomobilin idarəetməni itirərək aşması nəticəsində avtomobildə olan 4 nəfər ölüb. Hazırda hüquq-mühafizə orqanlarının əməkdaşları hadisə yerindədir.

Artıq Hacıqabulda ağır yol qəzasında ölən 4 nəfərin şəxsiyyəti məlum olub. “Mercedes” markalı 20 CV 781 dövlət nömrə nişanlı avtomobili iarə edən sürücü Göy-Göl sakini 1968-ci il təvəllüdlü Məmmədov Namiq Əbülfəz oğlu, bir ailənin 3 üzvü - Gəncə sakinləri1970-ci il təvəllüdlü Kərimov Nəsib Samit oğlu, onun həyat yoldaşı 1972-ci il təvəllüdlü Kərimova Rima Mamed qızı və qızı 1993-cü il təvəllüdlü  Kərimova Əminə Nəsib qızı hadisə yerində ölüblər.

Fövqəladə Hallar Nazirliyi (FHN) Hacıqabulda 4 nəfərin ölümü ilə nəticələnən yol qızası ilə bağlı məlumat yayıb. Avtosfer.az-ın Fövqəladə Hallar Nazirliyinin (FHN) saytına istinadən xəbər verir ki, Hacıqabul rayonu, Bakı-Qazax yolunun 40-cı kilometrliyində “Kamaz” markalı yük avtomobili ilə “Mercedes” markalı minik avtomobili toqquşub. FHN-nin müvafiq xilasetmə qüvvələri dərhal hadisə yerinə cəlb olunub. Əməliyyat şəraiti qiymətləndirilərkən məlum olub ki, “Mercedes” markalı minik avtomobilində şəxsiyyətləri məlum olmayan ikisi qadın, ikisi kişi olmaqla 4 nəfərin cəsədi sıxılmış vəziyyətdə qalıb. Yanğınsöndürən-xilasedicilər xüsusi alət və avadanlıqlar vasitəsilə deformasiyaya uğramış avtomobildə sıxılmış vəziyyətdə qalmış cəsədləri çıxarıb və aidiyyəti üzrə təhvil veriblər. Sonda ərazidə müvafiq təhlükəsizlik tədbirləri görülüb.

Nurlan