Azərbaycanlı tələbəni afrikalı maşınla vurub öldürdü - FOTO

Şimali Kipr Türk Respublikasında Doğu Akdeniz Universitetinin azərbaycanlı tələbəsi Heydər Ağalar oğlu Əliyev Kiprin Gazimağusa rayonunda baş verən motosiklet qəzasında dünyasını dəyişib. Avtosfer.az-ın anspress-ə istinadən məlumatına görə, hadisə yerli vaxtla 22:00 radələrində baş verib. «Hyundai» markalı maşının sürücüsü diqqətsizlik ucbatından motosikleti idarə edən gənci vurub. Qəzanı 29 yaşlı Afrika əsilli sürücü Cəfər Y.M Abdaldayem Gazimağusa məhkəməsinəç çıxarılıb və həbs olunub.

21 yaşlı gənc boş vaxtlarında yerli restoranlardan biri olan Flexi Land–də kuryer vəzifəsində işləyirdi. Həkimlərin bütün səylərinə baxmayaraq gəncin həyatını xilas etmək mümkün olmayıb.

H.Əliyev 2011-ci ildə Şimali Kipr “Doğu Akdeniz Universiteti”nin Beynəlxalq Münasibətlər fakültəsinə daxil olub. Kiprdə Azərbaycan diaspor fəaliyyətində aktiv tələbə olaraq tanınır.