“Bakcell” BMT-nin Azərbaycandakı nümayəndəliyini məhkəməyə verib

“Bakcell” MMC Birləşmiş Millətlər Təşkilatının (BMT) Azərbaycandakı nümayəndəliyini məhkəməyə verib.

Avtosfer.az-ın əldə etdiyi məlumata görə, iddia müqavilədən əmələ gələn öhdəliklərlə bağlı mübahisə ilə əlaqədardır.

Bakı Kommersiya Məhkəməsinə daxil olan ərizəyə hakim Ülkər Həsənovanın icraatındadır.

Azərbaycan Respublikası 1992-ci ildən BMT-nin üzvüdür. Həmin ilin may ayında Azərbaycanın BMT-də daimi nümayəndəliyi açılıb, noyabr ayında isə BMT-nin Azərbaycandakı nümayəndəliyi fəaliyyətə başlayıb.

“Bakcell” şirkəti 1994-cü ildə təsis olunub və Analoq Tipli Sistem Operatoru (ETACS) kimi fəaliyyətə başlayıb və 1996-cı ildən mobil telekommunikasiya xidmətləri göstərir.

2003-cü ildən şirkətin özəlləşmə prosesi başa çatıb və 2004-cü ilin yanvar ayından başlayaraq Bakcell 100% şəxsi kapitala malik şirkət kimi fəaliyyət göstərir.