Bakı - Böyük Kəsikdə təmir davam edir

Avtosfer.az xəbər verir ki, dəmir yolu nəqliyyat sisteminin inkişafına dair Dövlət Proqramının icrası çərçivəsində Bakı - Böyük Kəsik istiqamətində əsaslı təmir işləri davam edir. “Azərbaycan Dəmir Yolları” Qapalı Səhmdar Cəmiyyəti Mətbuat Katibliyinin rəisi Nadir Əzməmmədovun oxu.az-a verdiyi məlumata görə, 10 fevral 2015-ci ildə Muğan – Hacıqabul mənzilində 10 km yolun əsaslı təmirinə start verilib.

Təmir işləri on gün davam edəcək.

Əsaslı təmir işlərini “Azərbaycan Dəmir Yolları” QSC “Dəmiryolservis” MMC-nin müəssisələri həyata keçirir. “Dəmiryolservis” MMC-nin baş mühəndisi Əfsələddin Gəncəliyevin verdiyi məlumatda bildirilir ki, səhər saatlarında artıq 500 metr köhnə yol sökülüb.

Qeyd edək ki, Bakı-Böyük Kəsik istiqamətində təmir işlərinə 10 iyun 2011-ci ildə Tatlı-Ağstafa sahəsinin 97-ci kilometrində start verilib. Bu günə kimi 370 km yol əsaslı təmir olunub və 800 metrlik uzunölçülü relslərlə (pletlərlə) əvəzlənib.