Bakı metrosunda gərginlik

Bu gün səhər saatlarında Bakı metrosunda gərginlik yaşanıb. Bu barədə hadisə şahidləri anspress-in "qaynar xətti"nə bildiriblər. Verilən məlumata görə, "Azadlıq prospekti" stansiyasında "Dərnəgül"dən "Həzi Aslanov" istiqamətinə hərəkət edən qatarın qapıları bağlanmayıb. Bu səbəbdən də, növbətçi bütün sərnişinləri düşürüb. Sərnişinlər arasında narazılıq yaranıb. Stansiyada sərnişin sıxlığı yaranıb. Məsələyə aydınlıq gətirmək üçün "Bakı Metropoliteni" QSC-nin mətbuat xidmətinin rəhbəri Nəsimi Paşayevlə əlaqə saxladıq. Metro rəsmisi bildirib ki, həqiqətən də saat 08:14-də metronun "Dərnəgül"-"Həzi Aslanov" xətti ilə hərəkət edən 25 saylı marşrutun qapılarında nasazlıq yaranıb. "Sərnişinlər "Azadlıq prospekti" stansiyasında düşürdülüb. Həmin qatar sərnişinsiz "Gənclik" stansiyasına gedib. Orada təlimatçı nasazlığı aradan qaldırıb və qatar normal hərəkətini bərpa edib. Qrafikdə gecikmə olmayıb", - deyə Nəsimi Paşayev bildirib.