Bakı metrosunda problem yarandı

Bakı metrosunda texniki nasazlıq yaranıb. Avtosfer.az xəbər verir ki, bk barədə hadisə şahidlərinin anspress-ə verdikləri məlumata görə, bu səbəbdən qatarlar 20-30 dəqiqə yubanıb. Nəticədə demək olar ki, bütün stansiyalarda sərnişin sıxlığı yaranıb.

Məsələyə aydınlıq gətirmək üçün Bakı Metropolitenilə əlaqə saxladıq. Qurumun mətbuat xidmətinin rəhbəri Nəsimi Paşayev ANS PRESS-ə açıqlamasında metroda nasazlığın yarandığını təsdiqlədi. Onun sözlərinə görə, metronun "Nəriman Nərimanov" stansiyasında texniki nasazlıq yaranıb. Bu səbəbdən də, bütün istiqamətlərdə qatarların qrafikində yubanmalar olub.

"Hazırda texniki nasazlıq aradan qaldırılıb. Qatarların qrafiki qaydasına salınır", - deyə Nəsimi Paşayev bildirib.

Qeyd edək ki, hadisə nəticəsind xəsarət alan olmayıb.