Bakı metrosunun 3 stansiya rəisi vəzifəsindən azad edilib

Gündəm 28 Yanvar 2022 15:17

WhatsApp kanalımıza abunə olun

“Bakı Metropoliteni” QSC-nin “Sahil”, “Azadlıq prospekti” və “Nəsimi” stansiyalarının rəisləri vəzifələrindən azad edilib.

Avtosfer.az-ın əldə etdiyi məlumatına görə, onların yerinə təyinatlar olub.

Bildirilir ki, “Sahil” stansiyasının rəisi Taleh Məmmədov başqa işə keçdiyi üçün vəzifəsindən azad olunmaqla bağlı ərizə yazıb.

Metronun “Azadlıq prospekti” və “Nəsimi” stansiyalarının rəisləri Alpaşa İsmayılov və Zahid Rəcəbov isə təqaüd yaşları çatdığı üçün əmək müqavilələrinə xitam verilib.

“Sahil” stansiyasına T.Məmmədovun yerinə Nurlan Nəbiyev, “Azadlıq prospekti” stansiyasına A. İsmayılovun yerinə Xalid Məmmədov və “Nəsimi” stansiyasına isə Z.Rəcəbovun yerinə Ramin Əliyev təyin edilib.

Yeni təyinata qədər Nurlan Nəbiyev “İnşaatçılar” stansiyasında, Xalid Məmmədov "28 May" stansiyasında, Ramin Əliyev isə "8 Noyabr" stansiyasında Mərkəzləşmə Məntəqə Növbətçisi vəzifəsində çalışıblar.

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov “Report”un sorğusuna cavab olaraq kadr dəyişikliyini təsdiq edib.

Bu dəyişikliklə metronun 26 stansiyasının rəhbərliyi aşağıdakı kimi formalaşıb:

“Report”

№	Stansiya rəisinin adı	Hazırda rəhbərlik etdiyi stansiya	Əvvəl rəhbərlik etdiyi stansiya
1	Əlişan Ağayev	Avtovağzal	Memar Əcəmi (Bənövşəyi)
2	Niyaz Alıyev	Memar Əcəmi (Bənövşəyi)	Qara Qarayev
3	Akif Məmmədov	Şah İsmayıl Xətai	Əhmədli
4	Yusif Kərimov	Cəfər Cabbarlı	Gənclik
5	Vüsal Zeynalov	Nizami	İmtahanla qəbul edilib
6	Şaiq Heydərov	Elmlər Akademiyası	Cəfər Cabbarlı
7	Sərdar Babayev	İnşaatçılar	Bakmil
8	Elçin Süleymanov	20 Yanvar	İnşaatçılar
9	Şahvələd Hüseynov	Memar Əcəmi	İçərişəhər
10	Ramin Əliyev	Nəsimi	İmtahanla qəbul edilib
11	Xalid Məmmədov	Azadlıq prospekti	İmtahanla qəbul edilib
12	Faiq Həsənov	Dərnəgül	Avtovağzal
13	Cümşüd Cəfərov	İçərişəhər	Sahil
14	Nurlan Nəbiyev	Sahil	İmtahanla qəbul edilib
15	Müstəcəb Qurbanov	28 May	Nəriman Nərimanov
16	Əli Mayılov	Gənclik	Elmlər Akademiyası
17	Seyfulla Vəliyev	Nəriman Nərimanov	Memar Əcəmi
18	Dəyanət Dadaşov	Bakmil	Şah İsmayıl Xətai
19	Elxan Zeynalov	Ulduz	Nəsimi
20	Vadim Məmmədov	Koroğlu	Həzi Aslanov
21	İlqar Rüstəmov	Qara Qarayev	Azadlıq prospekti
22	Mehman İbrahimov	Neftçilər	Koroğlu
23	Arif Həsənli	Xalqlar dostluğu	İmtahanla qəbul edilib
24	Cəmşid Cəfərov	Əhmədli	Neftçilər
25	Vidadi İbrahimov	Həzi Aslanov	28 May
26	Yusif Şabanov	8 Noyabr	Nizami