Bakı-Qazax yolunda kabus dolaşır: 7 ölü, 35 yaralı

Son sutka ərzində Azərbaycan yollarında 20 avtomobil qəzası baş verib . Baş Dövlət Yol Polisi İdarəsindən Lent.az-a verilən məlumata görə, baş vermiş qəzalar ümumilikdə 7 nəfərin ölümünə, daha 35 nəfərin isə yaralanmasına səbəb olub. Təkcə Yevlax rayonu ərazisində, Bakı-Qazax magistralında mikroavtobusun yük maşınına çırpılması nəticəsində 3-ü azyaşlı olmaqla 4 nəfər həlak olub, daha 7 nəfər yaralanıb. Bakı-Qazax yolunun Qaradağdan keçən hissəsində isə “Auidi” maneəyə çırpılıb. Toydan qayıdan ailə başçısı və 5 yaşlı oğlu ölüb. Sürücünün həyat yoldaşı və körpə qızı ağır yaralanıb. Ölümlə nəticələnən digər qəza da Bakı-Qazax magistralında qeydə alınıb. Magistralın Ucardan keçən hissəsində “Oka” aşıb. Nəticədə 1 nəfər ölüb, 2 nəfər isə yaralanıb. Hər bir hadisə ilə bağlı müvafiq araşdırmalar aparılır.