Bakı-Şamaxı yolunda qəza: 3 nəfər ağır xəsarət alıb

İyulun 7-də Bakı-Şamaxı yolunda daha bir avtomobil qəzası baş verib. APA-nın məlumatına görə hadisə yolun 64-cü kilometrliyində, Qobustan rayonu ərazisində qeydə alınıb. “Toyota Land Cruiser” və “Mercedes” markalı avtomobillər toqquşub. Hadisə nəticəsində “Mercedes” markalı maşındakı sərnişinlərdən 3-ü, Bakı şəhər sakinləri 1952-ci il təvəllüdlü Qurbanəliyeva Zemfira Ağası qızı, 1954-cü il təvəllüdlü Xəlilova Səyyarə Qüdsi qızı və 1979-cu il təvəllüdlü Qurbanəliyeva Şəlalə Fikrət qızı müxtəlif dərəcəli bədən xəsarətləri ilə Qobustan Mərkəzi rayon Xəstəxanasına yerləşdirilib. Sonra yaralılar müalicə üçün Bakı şəhərinə aparılıb.

 Faktla bağlı araşdırma aparılır.