Bakı-Sumqayıt qatarının sürəti müvəqqəti azaldılıb

"Azərbaycan Dəmir Yolları" QSC paytaxtda əsən güclü küləyi nəzərə alaraq Bakı-Sumqayıt-Bakı elektrik qatarlarının sürətinin azaldılması barədə qərar qəbul edib.

Bu barədə Avtosfer.az-ın sorğusuna cavab olaraq qurumdan bildirilib.

Məlumata görə, məqsəd hərəkətin təhlükəsizliyini təmin etməkdir.

"Bu səbəbdən ötən gün axşam və bu gün səhər saatlarında qatarların hərəkətində qısamüddətli ləngimə olub. Hazırda isə qatarlar cədvəl üzrə hərəkət edir”, - deyə qurum bəyan edib.