Bakı yağışdan sonra bu hala düşdü  - FOTOLAR

Bu gün günorta saatlarında başlamış, axşam saatlarında isə güclənmiş yağış Bakıda bəzi problemlər yaradıb. Paytaxtın bəzi küçə və prospektlərində yığılmış yağış suları nəqliyyatın və piyadaların hərəkətinə problem yaradıb. Bu səbəbdən Bakının bir çox mərkəzi küçəsində tıxac yaranıb. Xüsusilə 20 yanvar dairəsi və “Şamaxinka” deyilən ərazində yağışın yaratdığı gölməçələr nəqliyyatın hərəkətinə mane olub. Hazırda şəhərin bəzi küçə və meydanlarında yağış sularının çəkilməsi istiqamətində iş aparılır.  

Qeyd edək ki, hava proqnozuna görə, sabah da Bakıda və Abşeron yarımadasında buludlu hava şəraitinin üstünlük təşkil edəcəyi, arabir yağıntılı olacağı gözlənilir.

Fotolar “facebook” sosial şəbəkəsindən “Hamam Times” və “Azərbaycan xəbərləri” səhifələrindən götürülüb. Sonuncu səhifədəki şəkillər Nihat Qulamzadənindir.