Bakıda avtobuslar piyada xətlərinin üzərində dayanır - VİDEO

Yollarda qayda pozuntularının böyük bir hissəsi Bakı şəhərinin payına düşür. ANS-in məlumatına görə, piyadalar yolun hər hissəsini özləri üçün piyada keçidi, avtomobilər isə avtomobil keçidi zənn edir. Belə ki, metronun “Memar Əcəmi” stansiyasından 4-cü mikrorayon istiqamətinə gedən yolda piyada xətlərinin üstündə avtobusun dayandığını əks etdirən foto təqdim olunub. Keçid insanların istifadəsi üçün nəzərdə tutulsa da, amma deyəsən bu keçidlərdən ən çox istifadə edən elə sürücülərdir, əsasən də avtobus sürücüləri. Çünki sürücülərin avtobusları yolda harda gəldi saxlaması həm digər sürücülər, həm də sərnişinlər üçün problem yaradır. Məsələyə isə Bakı Şəhər Baş Dövlət Yol Polis İdarəsindən bildirdilər ki, piyadalar üçün nəzərdə tutulan xətlərin tələbini pozan sürücülər yol polisi tərəfindən cəzalandırılır. Onlara qayda pozuntusuna görə protokollar tərtib olunur. Bu qayda pozuntusuna görə isə sürücülər 40 AZN cərimələnirlər. Piyadalar isə qadağan olunmuş yerlərdən keçərsə, 20 AZN məbləğində cərimə olunurlar.