Bakıda "avtoş" avtobusun VİDEOsu

Bakıda "avtoş" avtobusların sayı günü-gündən çoxalır. Anspress-in məlumatına görə, bu haqda istər əhali arasında, istərsə də mediada dəfələrlə müzakirələr açılıb, ancaq onun çözülməsi üçün bir əncam qırılmır. Maraqlıdır, günün günorta çağı, qırmızı işığa məhəl qoymayan, qarşı xəttə keçən, istədikləri yerdə istədikləri vaxt dayanan, sürət həddini aşan bu avtobusları Dövlət Yol Polisinin, Nəqliyyat nazirliyinin əməkdaşları görmürmü? Əlbəttə, görür və sakitcə ətrafı seyr edirlər. Səbəbi isə aydındır. 

Avtobus sürücülərindən biri etiraf edib ki, "Mənim şəhərdə 10 min manatdan çox cəriməm var və bu cəriməni yaradan da, onu sildirən də avtobusları xəttə buraxan şirkət sahibləridir. Onların isə yalnız bir məqsədləri var. Bu yolla bizi özlərindən asılı vəziyyətə salırlar ki, biz çox pul istəməyək və yaxud başqa işə keçmək üçün cəhd göstərməyək. DYP-nin susması isə yığılan cərimə pullarının onların əliylə silinməsindən xəbər verir".

Qeyd edək ki, videoda görsənən 10 TF 875 dövlət nömrə nişanlı 81 nömrəli marşrut avtobusu "Transqeyt" şirkətinə məxsusdur. Marşurut avtobusunun sürücüsü sərnişinlərin həyatı ilə beləcə oynadı.