Bakıda böyük qəza

Bu gün səhər saatlarında Bakının Binəqədi rayonunda ağır yol qəzası baş verib. Hadisə şahidlərinin anspress-ə verdiyi məlumata görə, hadisə Biləcəri qəsəbəsində, körpünün girəcəyində qeydə alınıb. Yüksək sürətlə hərəkət edən "Shagman" marklı yük maşını körpüdən keçərkən ilişib. Maşın körpünü dağıda-dağıda bir neçə metr gedib və aşıb. Nəticədə yük maşınında olan qum və çınqıl yola dağılıb. Yolda tıxac yaranıb. Hazırda hadisə yerində yol polisi araşdırma aparır.