Bakıda bu yol bağlandı

Bakının məşhur prospektində avtomobillərin hərəkəti dayandırılacaq. Nəqliyyat Nazirliyi "Azəryolservis" MMC-nin mətbuat xidmətinin rəhbəri Pünhan Mürsəliyevin Avtosfer.az-a verdiyi məlumata görə, bu gecə saat 00:00-dan etibarən Ziya Bünyadov prospektinin Müzəffər Nərimanov küçəsi ilə kəsişməsindən Böyük Şor yol qovşağına qədər olan hissəsində yol bağlanıb. Yolun bağlanmasına səbəb aparılan tikinti işləridir. Tikinti işlərilə əlaqədar 4 gün müddətinə nəqliyyatın hərəkəti dayandırılacaq. Prospektin Böyük Şor yol qovşağından 20 yanvar və Qələbə kinoteatrı qarşısındakı dairə istiqamətinə olan hissəsi isə nəqliyyatın hərəkəti üçün tam açıq olacaq. Sürücülərə alternativ yollardan istifadə etmələri tövsiyə olunur.

Emin